Detido Sito Miñanco durante un operativo no que dous GEOS resultaron feridos en Madrid
Miñanco tiña un xuízo pendente nos próximos días na Audiencia Nacional. Tamén foron arrestados familiares de Laureano Oubiña.
Por E.P. | MADRID | 05/02/2018 | Actualizada ás 12:20
A Unidade Central de Drogas e Crime Organizado (UDYCO) da Policía Nacional desenvolveu este luns un operativo no que detivo ao narcotraficante galego Sito Miñanco en Alxeciras. O arrestado tiña un xuízo pendente nos próximos días na Audiencia Nacional.
Durante o operativo resultaron feridos dous axentes dos GEOS da Policía ao recibir varios impactos de bala cando realizaban un rexistro nun domicilio da localidade madrileña de Collado Mediano, relacionada coa rede do narco galego.
En Alxeciras, ademais de Sito Miñanco foi arrestado unha filla e outro familiar de Laureano Oubiña. O operativo, que segue en marcha, polo que a Policía non descarta máis detencións, estendeuse a zonas como o municipio pontevedrés de Cambados, onde se practicaron rexistros e algún arresto.
Os axentes resultaron feridos aínda que levaban chalecos antibala. Un deles foi trasladado ao hospital Puerta de Hierro por un impacto de bala na clavícula e a súa vida non corre perigo. Os axentes foron feridos cando entraban na mencionada vivenda de Collado Mediano, onde foron recibidos con disparos dun narcotraficante que se atopaba dentro e que tamén resultou ferido.
