Por E.P. | BILBAO | 19/02/2018 | Actualizada ás 13:17
O preso de ETA Karlos Cristóbal, quen foi membro do 'comando Galicia', que planeou asasinar en 1996 ao daquela presidente Manuel Fraga, quedou en liberdade este luns logo de botar máis de dúas décadas en prisión.
Cristóbal foi detido en 1996 en Galicia, xunto a outros dous membros da organización terrorista. No momento do seu arresto, os tres detidos tiñan no seu poder abundante documentación con centos de nomes de posibles obxectivos, entre eles Manuel Fraga. A Karlos Cristóbal imputábaselle a súa participación no atentado contra a sede de Telefónica en Bilbao e contra un coche da policía na localidade biscaíña de Basauri.
Finalmente, a Audiencia Nacional condenou a 45 anos de prisión a cada un do tres compoñentes do denominado 'comando Galicia', polos delitos de integración en banda armada, depósito de armas e explosivos con finalidade terrorista, falsificación e conspiración para o asasinato.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.