Laureano Oubiña ameaza a produtora de 'Fariña' con accións legais por unha escena de sexo

O famoso narcotraficante refírese a unha escena de sexo na serie entre o seu personaxe e o da súa muller, Esther Lago (xa falecida), no primeiro capítulo da ficción baseada no libro homónimo, emitido esta semana.

Por E.P. | SANTIAGO DE COMPOSTELA | 02/03/2018 | Actualizada ás 14:51

Comparte esta noticia

O narcotraficante Laureano Oubiña ameaza con emprender accións legais contra a produtora da serie de televisión 'Fariña' —baseada no libro homónimo de Nacho Carretero— tras introducir unha escena de sexo entre o seu personaxe e o da súa muller, Esther Lago (xa falecida), no primeiro capítulo da ficción, emitido esta semana por Antena 3 aproveitando o pulo dado a esta obra polo secuestro xudicial do libro.

Fariña, nova serie de Antena 3, finaliza a súa rodaxe
Fariña, nova serie de Antena 3, finaliza a súa rodaxe | Fonte: Europa Press

Segundo fontes próximas a Oubiña, o narcotraficante prevé enviar requirimentos "a semana que vén" á produtora, en concreto Bambú Producciones, para informar os responsables de que se reserva "as accións legais oportunas" pola "vulneración do dereito á imaxe e á intimidade".

Neste requirimento, engaden as mesmas fontes, informarase á produtora das posibles consecuencias sobre a "vulneración destes dereitos", como a posible solicitude dunha indemnización polos danos á imaxe do propio Oubiña.

"O señor Oubiña mostrábase, desde logo, moi afectado polas imaxes que saíron", aseguraron as fontes, entendendo que, cando unha produtora decide impulsar unha serie, "habería que contar" coas persoas sobre as que se fala e que aparecen "con nomes e apelidos".

A pesar diso e "por prudencia", as accións legais permanecerán en estudo, dado que a serie aínda non foi emitida na súa totalidade, aínda que o proceso podería levar a unha demanda pola vía civil e pola vulneración do dereito á imaxe e á intimidade, coa petición de indemnización correspondente.

Laureano Oubiña sae de prisión.
Laureano Oubiña sae de prisión.

As mesmas fontes sinalaron que tamén se prevé enviar requirimentos á editorial que publicou a obra homónima de Nacho Carretero, na que está baseada a propia serie, advertindo de que o libro "se está vendendo de forma abundante" a pesar das medidas cautelares solicitadas polo ex-alcalde do Grove (Pontevedra) José Alfredo Bea Gondar, quen demandou en xaneiro ao autor e a Libros del KO por suposta vulneración do seu dereito á honra.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 3 comentarios

3 Gamela

cun chisco de sorte FARIÑA vaise converter na EVIDENCIA que faltaba para que tódolos "Narcos Honrados" saian á luz... Agora só falta a demanda de Marcial Dorado e logo de Feijoo !!! Seguimos para Bingo ?

2 GalegON

Estámosche ben.

1 Pondaliao

Jajajjaja moito cunde a fariña