SANTIAGO DE COMPOSTELA | 18/03/2018 | Actualizada ás 14:10 por EUROPA PRESS
A Garda Civil denunciou, na madrugada do pasado venres, ao propietario dun bar de Poio (Pontevedra) por permitir o consumo de estupefacientes e tabaco no interior do establecemento.
As infraccións detectadas derivaron na formulación de cinco actas a clientes por consumo de drogas --marihuana, cocaína e haxix-- e outro tres por fumar no interior do local. Ademais, os axentes incautáronse de "varias doses" e "pequenas cantidades" destas sustancias.
En concreto, segundo informou a Garda Civil nunha nota de prensa, tratouse dun operativo especial de seguridade cidadá desenvolvido de forma coordinada coa Policía Local que concluíu coa inspección dun bar do centro do municipio.
A operación, que se iniciou ás 21,15 horas, permitiu tamén a identificación de 12 persoas e a formulación dunha ducia de denuncias administrativas.
Por outra banda, rexistrouse tamén unha denuncia por falta de respecto aos axentes da autoridade no exercicio das súas funcións e outra en materia fiscal por carecer algunhas botellas das etiquetas identificativas.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.