O porteiro do Zaragoza, en liberdade con cargos por un suposto intento de agresión sexual no Carballiño
O club confirmou que os feitos ocorreron á saída dun bar de copas do centro do Carballiño, onde o futbolista Álvaro Rato tentaría bicar a unha muller contra o sen consentemento.
Por E.P. | MADRID | 11/07/2018 | Actualizada ás 13:40
O Real Zaragoza recoñeceu que o seu porteiro Álvaro Rato foi arrestado e posto en liberdade con cargos por un "presunto intento de agresión sexual" cometido a semana pasada no Carballiño (Ourense), localidade natal do xogador.
"En relación co arresto e posterior posta en liberdade do futbolista Álvaro Rato, o pasado 2 de xullo no Carballiño, por un presunto intento de agresión sexual, o Real Zaragoza solicita o respecto cara ao gardameta e a necesaria presunción de inocencia ata que o suceso se resolva a través dos correspondentes trámites xudiciais", pediu o Zaragoza a través dun comunicado.
Desta forma, o club confirmou a información adiantada pola Televisión de Galicia, que sinalou que os feitos ocorreron á saída dun bar de copas no centro do Carballiño, onde o xogador tentaría bicar a unha muller contra o seu consentemento e fuxiría despois de zarandeala.
