Dous feridos nunha colisión entre un coche e unha moto en Lalín

Un home e unha muller resultaron feridos este luns nunha colisión entre un coche e unha moto no municipio de Lalín. Ambos foron trasladados ao Hospital Clínico-Universitario de Santiago.

Segundo informou o 061, a alerta por accidente de tráfico recibiuse na central de coordinación sobre as 10,45 horas. Até o lugar do incidente acudiron unha ambulancia, dous helicópteros do 061 e persoal sanitario de Lalín.