Dilema popular ante a protesta da AVT na Coruña
As manifestacións da Asociación de Vítimas do Terrorismo (AVT) contra a polémica setencia de Bildu sacudirán a campaña o sábdo. Nos líderes do PP estatal hai división sobre participar na protesta central de Madrid.
Por Galicia Confidencial | A Coruña | 11/05/2011 | Actualizada ás 13:38
Arestora no PP galego, especialmente o candidato da Coruña Carlos Negreira ,valoran a posibilidade de secundar a protesta convocada na praza de María Pita a partir das 18 horas do sábado. O motivo da concentración é criticar a sentencia contra a "legalización de Bildu".
Xuíces traidores a España?
As dúbidas conservadoras nacen en gran medida pola agresividade do lema da protesta, que acusa aos xuíces do alto tribunal de ser uns traidores: ‘Ante a traizón a España, ETA fóra das eleccións’.
O Tribunal Constitucional rebateu a sentencia do Supremo, pois os xuíces entenden que non se pode limitar o dereito fundamental á participación política unicamente coa sospeita da subordinación á banda terrorista ETA.
A Xunta Electoral autorizou este martes a concentración, malia que en campaña están limitadas as manifestacións que poidan incidir no proceso electoral. Haberá protests nunha ducia de cidades a partir das 18 horas do sábado, entre elas Málaga, Zaragoza, Valladolid, Cáceres, A Coruña, Murcia ou Logroño.
As vítimas aseguran que o Goberno é responsable da decisión do Tribunal Constitucional de permitir a Bildu concorrer ás eleccións do 22 de maio.
En Génova xa confirmaron que Rajoy non estará presente na concentración, aínda que deu liberdade aos seus dirixentes para que acudan a título particular. Xa confirmou a súa asistencia o eurodiputado Jaime Mayor Oreja, ex-líder do PP vasco que teima en que ZP segue a negociar cos terroristas.
Rajoy quere que a campaña se centre na crise e non na polémica de Bildu, polo que non acudirá. Está por ver aínda a postura do PP de Galicia.
