Controlado o lume en Serra de Outes

O lume que se declarou na parroquia de Valadares, concello de Serra de Outes, comezou sobre as 22:00 e foi controlado ás 02:20 da mañá. 

A superficie afectada foron 6,67 hectáreas, das que unha é de arborado e o resto monte baixo. O operativo que se puxo en marcha levou sete axentes, trece brigadas, nove motobombas e unha pá mecánica. 

Por outra banda, rexistrouse unha falsa alarma no concello de Teo, concretamente no lugar dos Tilos, segundo informou Medio Rural.