Aumentan as plantacións de marihuana nos montes galegos

A Garda Civil de Celanova (Ourense) detivo a un veciño desta mesma localidade, de 47 anos, J.D.L., que foi localizado cortando 40 plantas de marihuana dun monte da súa propiedade no lugar da Chaira.

Fontes da Garda Civil apuntaron que ao home, arrestado ao redor das 20,00 horas, considéraselle autor dun delito contra a saúde pública por cultivo de marihuana. O caso foi derivado ao Xulgado 1 de Celanova.

De feito, este tipo de plantacións comezan a ser habituais no rural galego. A Garda Civil ten detectado un aumento do uso de montes e leiras para plantar marihuana, nalgunhas ocasións sen o consentemento ou o descoñecemento dos propietarios.