A editorial Kalandraka presenta unha canle de televisión dixital sobre Literatura Infantil e Xuvenil
Haberá entrevistas, reportaxes, recomendacións, experiencias escolares, actualidade, recomendacións literarias ou experiencias lectoras, entre outros moitos contidos.
Por E.P. | PONTEVEDRA | 27/09/2018 | Actualizada ás 13:58
A editorial Kalandraka embarcouse nun novo proxecto: "Kalandraka.tv", unha canle de televisión dixital sobre literatura infantil e xuvenil onde hai entrevistas, reportaxes, recomendacións, experiencias escolares, actualidade, recomendacións literarias ou experiencias lectoras, entre outros moitos contidos.
Xosé Ballesteros, director editorial de Kalandraka, definiu esta canle de televisión dixital como unha "xanela aberta" a través da cal será posible descubrir a quenes crean os libros, penetrar nas súas obras e nos seus procesos de traballo.
Ademais, este espazo permitirá descubrir "os lugares onde habitan os libros" e servirá tamén como punto de información de novidades editoriais e as últimas actividades ao redor do libro e da lectura.
Kalandraka enmarca esta iniciativa, segundo explicou Ballesteros, na labor de "animación á lectura" necesaria para as editoriais, sobre todo tendo en conta que "de cada 10 libros que se publican 6 pertencen a dous grandes grupos".
"Darlle visibilidade aos libros é moi complicado", dixo o director desta editorial especializada en literatura infantil e xuvenil que conta cunha traxectoria de máis de 20 anos. "Cada vez hai menos espazos para falar de literatura infantil e xuvenil", lamentou. "Esas limitacións queremos revertelas", agregou.
Dende este xoves xa é accesible en internet kalandraka.tv cos contidos nos que estiveron traballando ao longo do último ano nun formato que segue a pauta establecida pola editorial de publicar obras de gran calidade estética e literaria.
