Temas: CRTVG TVG

A TVG habilita outro estudio para emitir este xoves os seus informativos por unha avaría

Segundo informou o medio público galego foi un problema na matriz principal do control que afectou aos estudos de directo.

Por E.P. | SANTIAGO DE COMPOSTELA | 15/11/2018 | Actualizada ás 14:51

Comparte esta noticia

A TVG emite este xoves os seus informativos do mediodía, o 'Galicia Noticias' e 'Telexornal Noticias' desde outro plató distinto ao habitual debido a un problema técnico, que lle obrigou a recorrer á emisión de contidos gravados durante a mañá. Segundo informou a TVG nun comunicado, un problema na matriz principal do control afectou a dous estudos de directo, polo que non se puido emitir o informativo 'Bos Días'.

CORPORACIÓN DE RADIO E TELEVISIÓN DE GALICIA
CORPORACIÓN DE RADIO E TELEVISIÓN DE GALICIA

O equipo técnico estivo traballando para substituír esta matriz e, á vez, acondicionar o Plató 5, que se usa habitualmente para formatos de gran tamaño, para garantir a emisión dos servizos informativos 'Galicia Noticias', desde as 13,55 horas, e do 'Telexornal Mediodía', desde as 14,30, nos seus horarios habituais. A TVG aclarou que a matriz non é un equipo novo e que a incidencia non está relacionada co proceso de dixitalización que se realiza na CRTVG. Ademais, remárcase que está "absolutamente descartado que calquera problemática laboral interna teña que ver co sucedido".

14 SEGUNDOS

A CRTVG precisou que o único momento de perda de emisión foi ás 7,59 horas e 46 segundos, que "durou 14 segundos e non tivo que ver con este incidente senón cun minutado".

Neste sentido, destácase que os profesionais da CRTVG "actuaron con total dilixencia para evitar que a pantalla se fose a negro máis aló destes 14 segundos" e que, "tras detectar o problema no control, reaccionaron ao instante programando contidos gravados". De feito, a CRTVG remarca que os técnicos seguen traballando "para restablecer o servizo público informativo pola primeira canle o máis axiña posible".

CRÍTICAS DE EN MAREA E PSDEG

Desde En Marea esixiuse responsabilidades á dirección da CRTVG polos "problemas técnicos de máis de catro horas", que a formación atribúe ao "proceso de dixitalización" e que sostén que "supoñen o maior corte na emisión en toda a historia da televisión autonómica". En Marea preguntará no Parlamento de Galicia sobre "as verdadeiras causas deste grave problema" e dos motivos de que un problema técnico nunha "televisión que vai estar nos máis altos niveis de tecnoloxía, segundo o seu director xeral, tarde tanto en ser reparada".

Por iso, o partido entende que a avaría "suxire que o plan de dixitalización da CRTVG non ten aparellado un plan de continxencias". Pola súa banda, a portavoz do grupo socialista na Comisión de Control á CRTVG, Noela Blanco, reclamou a comparecencia do director xeral do ente, Alfonso Sánchez Izquierdo, para dar conta da caída de emisións da TVG, para coñecer os motivos e as medidas postas en marcha para resolver o que cualifica como "xoves negro".

Blanco lembra que a caída de emisións prodúcese apenas quince días despois de que Sánchez Izquierdo comparecese na Cámara autonómica para loar o proceso de dixitalización, que a socialista denuncia que "foi feito tarde, mal e arrastro", cun custo de 15 millóns de euros e un "sobrecusto de 900.000 euros" que "non serviron para previr eventualidades" como a deste xoves. Os socialistas falan "dun xoves negro", facendo referencia aos "25 venres negros, nos que o persoal do ente protestou pola manipulación política nos informativos".

Temas: CRTVG TVG
Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 3 comentarios

1 Josua

cando investigaran as comisions do Sr Izquierdo no proceso de dixitalizacion.

1 Ramos

Si Sr. Josua seria bueno reconocer lo que hizo el Sr. Gabriel y espero que le vayan bien las cosas,injusto lo que le hicieron , y todos sabemos la encerrona que le hicieron el jefe informático y el jefe emisiones.Estoy de acuerdo,sin conocer lo que paso en el juicio que lo ante mencionados son capaces de todo.Y si que no sorprende a nadie que para tapar sus incompetencias acusen a otro o otros. Hoja la viniera otra vez para arreglar la emisión y estudios que tiene la Rg. Nunca sonó también la Radio Galega -Radio Música. Que pena y gran injusticia han cometido con dicha persona pero aun somos muchos que pensamos que a Cada Porco ñe chega seu San Martiño.

2 Josua

borrase o texto os mesmos qu pa tapar a incompetencia de unha noite de tormenta de manter todas as emisions da RG cortadas durante 5h ,sin solucionalo,o co beneplacito do Sr Izquierdo,buscaron un culpable,o fixeron francamente ben.Pero solo creible por xente que non ten idea do que e un sistema informatico con servidores .....O Xefe informatico e o de emisions co beneplacito do Sr Izquierdo por omision ou beneplacito ,foron os que argallaron a tramaaos .Agora ahi ten os que fixeron o da Rg e esperemos que tome as medidas,ou van acusar a alguen que ñon teña nada que ver como a outra vez.Por eso a estes porcos ñes chegou seu Sanmartiño.Haber si e certo ou seguen informando.Por ultimo pregunten de onde sairon os 1800 correos que estan circulando do Sr Izquierdo e outros dirixentes ,que estan sendo analizados por un periodico .......investigandocomisions lentas..