Por Europa Press / Redacción | SANTIAGO DE COMPOSTELA | 10/01/2019 | Actualizada ás 15:32
O presidente da Xunta, Alberto Núñez Feijóo, mostrouse "tranquilo" e apoiou o pacto asinado este mércores entre o PP e Vox para que Juan Manuel Moreno goberne en Andalucía e defende que os populares, con este acordo, non dan "nin un paso atrás" en materia de violencia de xénero.
Así respondeu o tamén líder do PP de Galicia, quen destacou a Moreno como un político "fiable, centrista" e no que "confía plenamente". "Atópome tranquilo e seguro de que o que vai facer é razoable e é o que podemos subscribir calquera persoa como militante do Partido Popular", engadiu na rolda de prensa posterior á reunión do Consello.
Ademais, negou que manteña discrepancias coa dirección nacional do seu partido no ámbito da violencia de xénero, posto que, ao seu modo de ver, a súa opinión é "perfectamente compatible co dito" polos seus compañeiros. De feito, insistiu en que o que el dixo se mantén porque o PP non vai dar un "paso atrás" en violencia de xénero e ve "compatible" o asinado con Vox porque esta cuestión "non se tocou".
"Todo o mundo sabe o que asinaron os tres partidos", suliñou ao incluír no acordo a C's, aínda que este partido insiste en que non formou parte do pacto. "Isto é como quen come unha tortilla de patatas. A todos lles gusta pero logo ninguén quere facela", suliñou ao lembrar que a presidenta da Cámara andaluza, que é de Ciudadanos, foi apoiada polos tres partidos.
PACTO CON VOX EN GALICIA
Sobre se este mesmo pacto poderíase dar en Galicia tras as eleccións autonómicas previstas para 2020, Feijóo apelou a "ir vendo partido a partido". Neste sentido, insistiu en que, por agora, "non hai ningún pacto máis importante" que o que mantén "cos galegos" na súa terceira maioría absoluta na Comunidade.
Neste sentido, descartou que pactar coa ultradereita teña "custes electorais" para o PP. "Haberá que velo no futuro", dixo en alusión a futuras citas electorais, aínda que quixo deixar claro que os populares non renegaron de ningún dos seus principios programáticos.
Así mesmo, destacou que "todo o mundo sabe" o contido do pacto de gobernabilidade da Xunta de Andalucía, o que contrapuxo ao acordo "inédito" que sostén a Pedro Sánchez no Executivo estatal: "Ninguén sabe por que os independentistas cataláns, nacionalistas vascos e podemos pactaron co presidente do Goberno".
CRÍTICAS DE VILLARES
O portavoz de En Marea, Luís Villares, cualificou como "tridente da reacción" o pacto en Andalucía entre PP, Cidadáns e Vox, un acordo que, di, "escandaliza a Europa" e converte aos populares "no primeiro partido que se dicía democrático que pacta coa extrema dereita".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.