Por E.P. | SANTIAGO DE COMPOSTELA | 02/02/2019 | Actualizada ás 19:02
A cidade de Ourense estreou este sábado o museo dedicado ao Circo dos Raparigos, o primeiro circo escola de España e considerado o precursor do Circo do Sol. A inauguración do museo, que se sitúa na rúa Bailén do centro ourensán, tivo lugar este sábado nun acto presentado pola comunicadora Montse Estévez e que contou con espectáculos de maxia a cargo de José Rivera e Susana Guisasola.
O espazo, promovido pola Asociación Cultural Pai Silva, alberga fotografías, cartelaría, vestiario e outros recordos do circo e o "universo" Bemposta, tamén coñecida como Cidade dos Raparigos. Este centro educativo, situado nos arredores de Ourense na parroquia de Siexalbo, foi creado na década dos 60 por Jesús Silva Méndez, máis coñecido como o Pai Silva, falecido en 2011.
Alí recalaban mozos que convivían en Bemposta, onde Silva constituíu unha sorte de "utopía" durante os anos da ditadura franquista baseada nunha "democracia" de corte cristiá. A Bemposta do Pai Silva estaba considerada como un "territorio independente" no que os propios nenos e nenas ocupaban os cargos de responsabilidade cun carácter rotatorio. Así, a "cidade dos Muchachos" tiña moeda propia, aduana, escolas, banco, igrexa, supermercado, gasolineira ou o seu propio parlamento.
PRESTIXIO MUNDIAL
O proxecto "revolucionario" do Pai Silva converteuse nun dos circos máis recoñecidos a nivel mundial e terminou por expandirse a outros lugares do planeta, como Venezuela e Colombia. O Circo dos Muchachos viaxou por todo o planeta coa súa música en directo e os seus espectáculos acrobáticos. De feito, algúns entendidos considérano un dos precursores do Circo do Sol. Ademais, chegou a ocupar a portada de revistas como París Match e a actuar no Madison Square Garden de Nova York.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.