A Armada traslada o Cuartel General de la Fuerza de Protección a Ferrol para "buscar unha xestión eficiente"
Tenta contrarestar deste xeito a marcha do almirante comandante do Grupo 1, con sede en Ferrol, e trasladado a Andalucía.
Por Europa Press / Redacción | SANTIAGO DE COMPOSTELA | 05/02/2019 | Actualizada ás 10:24
A Armada decidiu trasladar a Ferrol o Cuartel General de la Fuerza de Protección de la Armada (Fupro) para "buscar unha xestión eficiente dos recursos que o Estado pon á súa disposición".
A través dun comunicado, asegúrase que, baixo a dirección do almirante xefe de Estado Maior da Armada (Ajema), procedeuse a unha revisión da súa organización co obxectivo de "reforzar a súa capacidade de mando e control".
Para iso decidiuse "concentrar nun único cuartel xeral" os correspondentes ao do almirante de Acción Naval, con sede en Rota (Cádiz) e ao do almirante comandante do Grupo 1, con sede en Ferrol, e que agora abandonara a comunidade.
Como consecuencia deste traslado a Andalucía, por parte da Armada estímase que esta acción ten "o efecto indeseado de reducir a presenza institucional da Armada en Ferrol" e para facer fronte a esta situación, a Armada previu a localización na cidade naval, sen concretar cal será o seu emprazamento, doutro cuartel xeral de entidade similar, concretamente a Forza de Protección da Armada, que ten a súa sede actual na Estación Naval da Algameca de Cartaxena (Murcia) e que, ao mando dun xeneral de brigada, está encadrada na Forza de Infantaría de Mariña.
Con este traslado a Ferrol "búscase tamén equilibrar o despregamento territorial do Corpo de Infantaría de Mariña", indica, xa que nesta cidade ten a súa sede unha do seis unidades deste corpo, concretamente no Cuartel de Dolores.
