As axudas á dependencia aumentan entre un 10% e un 15%
A Xunta destinará un total de 10 millóns de euros anuais ao incremento das contías. .
Por Europa Press / Redacción | Santiago de Compostela | 22/02/2019 | Actualizada ás 19:47
A Xunta destinará 10 millóns de euros anuais ao incremento das contías á dependencia, cun 10% máis para aquelas persoas que son atendidas por un familiar en casa e un 15% para aquelas con discapacidade que precisan dun asistente.
Ademais, a subvención concedida aos maiores que necesitan praza nunha residencia aumentará nun 20% no caso das dependencias de grao I e III.
Mentres, a suba será dun 75% para as persoas que se atopan no grao II, segundo precisou a Xunta.
Esta iniciativa busca beneficiar a un total de 19.000 dependentes. Nesta liña, tamén se porán en marcha 30 Casas do Maior, que prestarán un servizo de atención diúrna en municipios de menos de 5.000 habitantes.
