Por E.P. | SANTIAGO DE COMPOSTELA | 23/02/2019 | Actualizada ás 18:45
As forzas de seguridade buscan a un home duns 40 anos de idade e natural de Melide (A Coruña) no encoro dos Peareas desaparecido desde este xoves.
Segundo informan fontes da Policía Local de Chantada (Lugo), trabállase coa hipótese de que o home caería ao río Miño desde a praia fluvial da Cova, no municipio de Escairón, que é o último lugar no que deu sinal o seu teléfono móbil.
Desde este venres traballan no operativo a Garda Civil e a Policía Nacional, ademais de drones e o Grupo de Apoio Loxístico da Axencia Galega de Emerxencias (Axega). Xa este sábado sumáronse os axentes locais e Protección Civil.
Ademais, as fontes da Policía Local consultadas apuntan que o coche do home trátase dun Citroën AX negro do que tampouco se ten constancia.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.