C's tamén di que é "fundamental" a ligazón orbital para a cidade
Por E.P. | SANTIAGO DE COMPOSTELA | 22/03/2019 | Actualizada ás 11:37
Ciudadanos sumouse á unanimidade alcanzada no pleno de Santiago celebrado o xoves para urxir ao Goberno central que licite as obras da ligazón orbital, unha obra que ve "fundamental" para a cidade.
Nun comunicado remitido este xoves aos medios, a formación laranxa considera que "tras a paralización do proxecto pola falta duns orzamentos dignos e realistas para Galicia", é "fundamental" retomar o proxecto da ligazón orbital compostelán.
"Unímonos ao apoio do resto dos grupos políticos municipais para solicitar, máis vale tarde que nunca, ao Ministerio de Fomento a urxente licitación das obras", manifestou a portavoz de Ciudadanos na capital galega, María Vilas.
Ademais, a formación felicitou aos concelleiros por ser capaces de alcanzar un acordo unánime para mellorar as instalacións do CEIP Quiroga Palacios, unha infraestrutura que ve "indispensables" para o correcto desenvolvemento das actividades dos nenos do centro.
Por último, censurou que Compostela Aberta e o BNG non apoien o desenvolvemento dun sistema de videovixilancia para mellorar a protección do patrimonio e a seguridade cidadá.
