Por Europa Press / Redacción | SANTIAGO DE COMPOSTELA | 26/03/2019 | Actualizada ás 18:15
Os encoros galegos perderon, por segunda semana consecutiva, reservas de auga. Así, segundo os últimos datos ofrecidos polo Ministerio para a Transición Ecolóxica (Miteco), as concas galegas acumulan 2.484 hectómetros cúbicos de auga, 62 menos que o pasado martes, e sitúanse ao 66,88% da súa capacidade.
No encoro de Miño Sil, as reservas caeron ata o 65,61% da súa capacidade. Na última semana perdeu 48 hectómetros cúbicos de auga, e queda en 1.988. Son 435 hectómetros cúbicos menos que hai un ano, e tamén é un dato peor que o da media do últimos dez anos (2.289).
En canto á conca de Galicia Costa, as reservas están en 496 hectómetros, un 72,51% da súa capacidade, o que supón que se perderon 14 hectómetros cúbicos con respecto aos rexistros de fai sete días. As reservas están máis baixas que hai un ano (608) e que na media da década (524).
No conxunto de España, a reserva hidráulica situouse no 58,1% da súa capacidade, con 32.627 hectómetros cúbicos, 218 menos que a pasada semana e 2.352 menos que o pasado ano. En comparación coa última década, hai acumulados 6.962 hectómetros cúbicos menos.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.