Por Europa Press / Redacción | OURENSE | 28/03/2019 | Actualizada ás 10:26
Catro persoas resultaron feridas despois de caer o turismo no que viaxaban por un desnivel "de bastante profundidade" cando circulaban pola estrada que une as parroquias de Alixo e Sobradelo, no Barco de Valdeorras (Ourense), informou o 112.
Para rescatar aos ocupantes do coche foi necesaria a intervención dos bombeiros, xa que o vehículo "quedou colgado dunha árbore e corría o risco de seguir caendo", relatou o 112 Galicia.
A pesar do impacto, as catro persoas resultaron feridas leves, pero igualmente foron evacuadas a un centro hospitalario, sinalaron as mesmas fontes de emerxencias.O sinistro produciuse pouco despois das 19,30 horas deste mércores. O Centro Integrado de Atención ás Emerxencias (CIAE) 112 Galicia recibiu a chamada de auxilio dun dos ocupantes do turismo.
Por iso, alertouse do sucedido a Urxencias Sanitarias de Galicia-061 e aos Bombeiros de Valdeorras, que tiveron que botar man do material de excarceración para estabilizar o vehículo e poder rescatar aos ocupantes.
Ademais, solicitouse a intervención e dos axentes da Garda Civil, da Policía Local e dos membros do GES da localidade co fin de prestar a súa colaboración neste operativo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.