EI e Máis Galiza únense nas súas críticas á UPG

Denuncian "manipulación" e "intoxicación" informativa. O Encontro Irmandiño vai máis alá e pide a dimisión do xefe e da secretaria de Comunicación da formación.

Por Galicia Confidencial | Compostela | 29/11/2011 | Actualizada ás 00:58

Había tempo que o Encontro Irmandiño e Máis Galiza non coincidían tan decididamente na súa oposición á dirección do BNG, que está, case principalmente, en mans da UPG. Fixérono o pasado sábado no Consello Nacional ao criticar a perda de 30.000 votos con respecto ás pasadas xerais e volveron a coincidir este luns ao denunciar a política de comunicación da formación frontista.

Máis Galiza decidiu ausentarse da Executiva nacionalista en protesta pola política informativa que desenvolve a dirección de comunicación do BNG e, especialmente, tras a imaxe que desde parte da dirección frontista se trasladou aos medios de comunicación ao asegurar que Guillerme Vázquez fora "respaldado por unanimidade", cando a súa decisión de poñer o seu cargo a disposición do Consello Nacional non foi sometida a ningún tipo de votación.

Contundencia de EI

Máis contundente foi a medida do EI que pediu directamente o cese de Xosé Mexuto, xefe de Comunicación do BNG, e de Rosana Pérez, a Secretaria de Comunicación da Executiva por ser a "súa responsabilidade directa estas manipulacións".

A formación que dirixe Beiras remitiu un comunicado á Executiva na que amosa o seu "máis profundo desagrado e repulsa" pola comunicación que fixo o Gabinete de prensa do BNG aos medios sobre o tratado no Consello Nacional do pasado sábado. Unha manipulación informativa, apuntan, que forma parte dunha estratexia da UPG para "buscar a ruptura da fronte".

Non é a primeira vez que os colectivos internos do BNG critican a política informativa do BNG e, sobre todo, a súa "manipulación en prol da UPG". Un feito, din, que se pode ver, especialmente, na páxina web do Bloque e nos distintos boletíns informativos.

Este foi o comunicado remitido este luns por EI:

Á atención do Portavoz Nacional e da Comisión Executiva:

O Encontro Irmandiño quero transmitirvos o noso máis profundo desagrado e repulsa pola comunicación feita desde o Gabinete de Prensa do BNG aos medios sobre o tratado no Consello Nacional do sábado 26, trasladando un asentimento unánime sobre un presunto aval ao Portavoz Nacional que en ningún momento foi suscitado nin outorgado.

A gravidade dos feitos obríganos a solicitar formalmente a reprobación e destitución do Xefe do Gabinete, por ser a súa responsabilidade directa estas manipulacións, e a dimisión ou destitución da Secretaria de Comunicación por ser da súa responsabilidade política.

Feitos coma este son os que veñen demostrar unha vez máis a parcialidade dos servizos da Sede Nacional a favor da UPG e convéncenos aínda máis de que hai quen dende dentro do BNG so está buscando a ruptura da fronte.

16 Nonentendo

Cada vez entendo menos, Beiras decía que non habia que botarlle ao Bloque porque non lle gustaba como facía Quintana e os quintanistas coinciden con el?

1 Hambrosio

é chistoso ver como a UPG, que ata o o 2009 eran os principais defensores do quintanismo, se desentenden agora. Como se daquelas non controlosen aínda máis ca hoxe o BNG!

15 Luguês

Dever primeiro de todo patriota é conhecer bem a sua língua. (Álvaro Cunqueiro). Aprendei umha normativa (RAG ou AGAL) e isto para todo o mundo. Mas eu duvido do vosso patriotismo.

1 Antón

se o di un patriota da Falanxe como Cunqueiro....dillo os de Ortigueira.

14 Lobo

Xa teño a solucion `pro BNg, seguro a moitos tertulianos lles vai molar. Presi e director de imaxe. Beiras Vice e responsable de cutura: T.T. (Teresiña Taboas) Responsables Financieiro: Mario Rico, e queda na oposicion constructiva a UPG que tal?

1 Galeguista

Que va Lobo, que todo siga igual, que non se mova nada, que os responsables e traballadores do BNg sexan os mesmos que fai 20 anos, e se algún se xubila malo será que non haxa algún Abraira, Aboi ou demais afín a UPG coa suficiente "galeguidade" precisa e "calidade" moral para relevalo. Se estamos coma nunca, en forma, preparados para botarlle unha carreira a calquera que se poña por diante....

13 León Gallego

¡¡Cómo disfruto viendo a estos comunistas, izquierdosos y nazionalistas discutiendo entre ellos como putas hartas de caldo! Que si Beiras, que si Benito Lobera, que si el Aymerich (¿por qué non galeguiza o seu apelido e pasa a chamarse Aymerichiño?). Con estos nunca se sabe que pasado nos espera, porque futuro, lo que se dice futuro... ná de ná. Un saudiño.

1 Xavou

e cando repartiron os cerebros.... ti onde estabas?

2 Germán

Home, a ti cando repartiron os cerebros quedaches co do novo Frankenstein. Como roubaron o Codice Calixtino e ti todavía andas cos cadernos de Rubio non sabes que o apelido Aymerich ten a súa primeira conotación con Galicia ao ser o primeiro peregrino do que se ten constancia. Tampouco saberás nada de historia industrial de Galicia e a influencia dos empresarios cataláns no crecemento da salazón e conservas nas rías baixas. Claro, o teu problema é que "eres simple". E eu non me galeguizo porque non me sae dos collóns, pero Carlos o ten galeguizado... dise Aymerich (en galego, castelán, catalán e euskaro). Dado que o ten galeguizado agora entendo que o que pasa é que és un iñorante. Burriño, que non león.

12 un afin á U

O problema e un so, a UPG, grande e único mal do BNG. Se a maioría da militancia do BNG, apoia, apoiamos, as teses defendidas pola U xa non somos independentes, somos afíns á U. O conto xa cheira. O outro 45%, son os posuidores da verdade absoluta. Pouco importa que +G deixe a EI fora da executiva, sempre se poñerán de acordo no obxectivo común, combater á UPG. Que mais da, no consello nacional a U non ten maioría, pero o rendíbel e falar nos medios, ou parece, o que xa non teño claro son so obxectivos de tanto ataque ao BNG, porque a día de hoxe a UPG e os afíns seguimos sendo tan BNG coma +G e EI, ou iso penso. En xaneiro se a maioría do BNG considera que estabamos errados que fale, e que vote, e onde toca falar.

1 Manuel P.

Si si, como dixo Bieito Borrokas: "aquí hai dúas posibilidades, ou marchdades ou botámosvos". Pero calro os da UPG son persoas moi clarividentes, tolerantes e dialogantes....Veña home, remítome a un dito "cando o río sona.... aló menos un rego haberá, máis eu creo que se trata dunha torrente"