Por Europa Press / Redacción | SANTIAGO DE COMPOSTELA | 04/04/2019 | Actualizada ás 17:58
Galicia pechou o primeiro trimestre de 2019 con 989 autónomos menos, nun descenso do 0,5%, máis acusado as provincias de Lugo e Ourense e que contrasta co incremento que se produciu no mesmo período en 2018, segundo recolle a Federación Nacional de Asociacións de Traballadores Autónomos (ATA).
Na mesma liña, no conxunto do Estado, a organización destacou que se produciu unha freada, cun descenso de 585 autónomos. Durante o primeiro trimestre de 2019, o número de autónomos pasou dos 3.254.663 traballadores por conta propia rexistrados o ano pasado aos 3.254.078 rexistrados ata marzo deste ano.
Segundo destaca ATA, este é o primeiro descenso rexistrado no últimos cinco anos no primeiro trimestre e contrasta "fortemente" co incremento de 25.772 autónomos rexistrado o ano pasado.
No conxunto de Galicia, a cifra pasou de 211.287 en decembro de 2018 a 210.297 en marzo deste ano. Por provincias, o maior descenso produciuse en Lugo, cun -1% e unha perda de 332 autónomos, seguida de Ourense (-0,9%, -227 autónomos), A Coruña (-0,4%, -301) e de Pontevedra (-0,2%, -130).
As cifras contrastan coas do primeiro trimestre de 2018, cando Galicia sumou 130 autónomos —261 máis en Pontevedra e 17 na Coruña, aínda que en Ourense restáronse 113 perderon 113 e en Lugo 35—.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.