Por E.P. | OURENSE | 05/04/2019 | Actualizada ás 19:44
A Garda Civil de Ourense interceptou unha operación de contrabando de tabaco na que interviñeron 5.600 paquetes e procedeuse á detención dun home de orixe portuguesa.
Segundo informou, axentes da Garda Civil interceptaron este venres unha furgoneta na Autovía A-52 á altura de Fumaces e, tras identificar o condutor e realizar unha inspección do vehículo, localizaron nun dobre fondo 5.600 paquetes de tabaco.
Tras realizar varias investigacións, os garda civís comprobaron que se trata de contrabando de tabaco, xa que algúns dos paquetes non levaban precinto e os que si o levaban non cumprían coa normativa esixida para o transporte de tabaco .
Por iso, foi detido o condutor da furgoneta, A.C.D., un home de 69 anos, veciño de Portugal. O tabaco, procedente de Portugal, España e Andorra, era transportado por estrada e tiña como posible destino París (Francia). A contía do incautado, segundo a valoración oficial do Mercado de Tabacos, ascende a 26.400 euros.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.