Padrón, o concello que máis doa sangue de Galicia
Tamén destacan os casos de Meira, en Lugo; A Guarda, en Pontevedra e A Pobra de Trives, en Ourense.
Por Europa Press / Redacción | SANTIAGO DE COMPOSTELA | 30/04/2019 | Actualizada ás 10:43
A Axencia de Doazón de Órganos e Sangue (ADOS) chama aos galegos a superar as 105.998 doazóns de sangue logradas ao longo do pasado ano 2018 e que supuxeron que a Comunidade de Galicia se situase nun índice de 39 achegas por cada mil habitantes e exercicio.
Segundo lembrou ADOS nun comunicado de prensa, o pasado ano Galicia superou en tres puntos a media nacional e situouse como cuarta comunidade autónoma en doazón de sangue.
"ADOS quere revitalizar o seu permanente chamamento á participación dos cidadáns par alcanzar, novamente, o índice mínimo que recomenda a Organización Mundial da Saúde (OMS): 40 doazóns por cada 1.000 habitantes e ano", ha desatacado.
A provincia que rexistrou máis doazóns de sangue en 2018 foi A Coruña, con 49.224 e unha taxa de 44 por mil habitantes; seguida de Pontevedra, con 39.515 achegas e unha taxa de 42 por 1.000. Segundo os datos de ADOS, séguelle Ourense, con 9.643 doazóns e unha taxa de 31 por mil habitantes; e Lugo, con 7.616 e unha taxa de 23 por 1.000.
Un ano máis, segundo destaca a Axencia de Doazón, o concello con maior participación de Galicia foi o coruñés de Padrón, que mantén un índice de 105 achegas por cada mil habitantes e ano.
Na provincia de Lugo, Meira foi o municipio de maior taxa de doazón cun índice de 44 achegas por mil habitantes; na de Ourense foi Pobra de Trives, con 66 por 1.000 e na de Pontevedra, A Guarda, con 73 por mil.
Así mesmo, ADOS fixo fincapé nas 44.970 doazóns rexistradas nas sete grandes cidades, polo que o 42% das achegas recollidas en Galicia foron realizadas polo 37% da poboación total.
SOLIDARIEDADE
ADOS lembra que Galicia é unha das comunidades autónomas con maior dificultade para alcanzar un bo número de doazóns de sangue debido a factores sociodemográficos como a dispersión poboacional así como o seu envellecemento, "circunstancia que dificultan, enormemente, o desenvolvemento de campañas de captación de novos doantes de sangue", sinala.
Por parte da Axencia apélase á "probada solidariedade da cidadanía galega para superar estes obstáculos e incentivar a súa participación" nas campañas de doazón de sangue, un "xesto vital", subliña, para que miles de pacientes poidan recibir a transfusión dos compoñentes sanguíneos que se obteñan a doazón.
ADOS agradece a colaboración nas campañas a favor da doazón de sangue e ás persoas que doaron o pasado ano. Con todo, lembra que en Galicia doan sangre catro de cada 100 cidadáns polo que a Axencia continuará desenvolvendo "programas destinados a fomentar a participación dos galegos, e especialmente da poboación máis nova.
