Por Europa Press / Redacción | SANTIAGO DE COMPOSTELA | 08/05/2019 | Actualizada ás 15:04
O Xulgado de Instrución número 3 de Santiago, competente en violencia sobre a muller, derivou este mércores a un Xulgado do Penal o caso do profesor da Universidade de Santiago (USC) Luciano Méndez Naya, investigado por un delito de violencia de xénero.
A decisión produciuse despois de que o acusado, que fora detido por axentes da Garda Civil de Brión (A Coruña), comparecese nun xuízo rápido na mañá deste mércores, pero non se chegase a conformidade.
Durante a vista, informaron fontes xudiciais, a prexudicada solicitou o arquivo das dilixencias e rexeitou que se acordase ningunha medida cautelar sobre o acusado. No entanto, en base ás declaracións dos axentes implicados no operativo, Fiscalía mantivo a acusación contra Méndez Naya por un delito de malos tratos no ámbito da violencia de xénero.
Por iso, confirmou o Tribunal Superior de Xustiza de Galicia (TSXG), será derivado a un Xulgado do Penal para o seu enjuiciamiento. Sobre este caso, o delegado do Goberno en Galicia, Javier Losada, lembrou que se trata dunha "actuación de oficio" da Garda Civil ante "unha información que lles chegou" sobre unha suposta agresión machista.
"A Garda Civil, seguindo o protocolo, tomou actuacións e puxéronse en coñecemento da autoridade xudicial", dixo Losada, que agradeceu a este corpo a súa implicación na loita contra a violencia de xénero.
APOIO Á "MANADA"
O profesor Luciano Méndez Naya saltou á palestra hai uns meses por unha polémica serie de vídeos colgados nas súas redes sociais nos que apoiaba a 'La Manada' e criticaba á vítima. Por mor destes feitos, a USC abriulle un expediente e remitiu a información a Fiscalía.
Así mesmo, en xuño do ano pasado Luciano Méndez xa foi arrestado despois de agredir a dous axentes da Policía Nacional nun altercado en relación co vehículo do profesor, cando un policía foille a advertir de que non se podía aparcar na zona da comisaría e que os mandos a distancia dos vehículos non funcionan polo inhibidor. Naquela ocasión foi acusado de lesións e atentado á autoridade.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.