Xunta e Fundación Meniños poñen en marcha un programa para mulleres vítimas de violencia sexual en Galicia

Ofreceranse recursos terapéuticos especializados que posibiliten e melloren a recuperación das vítimas.

Por E.P. | SANTIAGO DE COMPOSTELA | 07/06/2019 | Actualizada ás 17:25

Comparte esta noticia

A Xunta e a Fundación Meniños asinaron un convenio de colaboración para pór en marcha dun programa de intervención con mulleres vítimas de violencia sexual en Galicia, que conta cun orzamento de 50.000 euros. O acordo foi subscrito pola secretaria xeral de Igualdade, Susana López Abella e a directora xeral da Fundación, Mónica Permuy.

Imaxe ilustrativa sobre o machismo e os abusos as mulleres estudantes
Imaxe ilustrativa sobre o machismo e os abusos as mulleres estudantes | Fonte: uvigo

Conforme ao convenio, a Fundación comprométese a desenvolver un programa de intervención con mulleres vítimas de violencia sexual en Galicia, ás que ofrecerán recursos terapéuticos especializados que posibiliten e melloren a recuperación das vítimas.

As beneficiarias serán as vítimas de abuso e violencia sexual en Galicia así como os seus familiares ou persoas da súa contorna, ademais de equipos profesionais da rede que traballan con vítimas de violencia de xénero, que poderán recibir asesoramento e formación profesional no ámbito da violencia sexual.

A Fundación Meniños é unha organización sen ánimo de lucro, cunha longa traxectoria no traballo de ámbito social, fundamentalmente con menores, pero tamén con mulleres e vítimas de violencia de xénero.

No ano 2018 púxose en marcha unha unidade de intervención, 'LIANA: laboratorio de investigación en apego e narrativa'. Está dirixida a mulleres vítimas de abuso e violencia sexual, a familiares ou persoas da súa contorna, equipos profesionais da rede que traballan con mulleres vítimas de violencia de xénero e que desde xaneiro está en disposición de prestar atención a vítimas da violencia sexual no catro provincias.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta