Investigadores de Santiago lideran un proxecto sobre enfermidades neurológicas asociadas ao envellecemento

O Instituto de Investigación Sanitaria de Santiago de Compostela (IDIS) coordinará durante tres anos a "principal plataforma" da rexión atlántica europea para "innovar no diagnóstico e tratamento de enfermidades neurológicas de alto impacto, primordialmente a enfermidade de Alzheimer e o ictus".

Por Europa Press / Redacción | SANTIAGO DE COMPOSTELA | 20/06/2019 | Actualizada ás 12:25

Comparte esta noticia

O Instituto de Investigación Sanitaria de Santiago de Compostela (IDIS) lidera un proxecto europeo de investigación sobre diagnóstico e tratamento das enfermidades neurológicas prevalentes asociadas ao envellecemento.

Segundo informou a xerencia sanitaria compostelá nun comunicado, o IDIS coordinará durante tres anos a "principal plataforma" da rexión atlántica europea para "innovar no diagnóstico e tratamento de enfermidades neurológicas de alto impacto, primordialmente a enfermidade de Alzheimer e o ictus". Neste primeiro proxecto 'Interreg Atlantic' participan investigadores de Reino Unido, Francia, Portugal e España e está coordinado por investigadores do Sergas e da USC integrados no IDIS.

Coa iniciativa 'NeuroAtlantic' fixan como obxectivo contribuír "a mitigar os devastadores efectos da enfermidade de Alzheimer e do ictus", ademais de buscar "intercambiar experiencias e protocolos de investigación clínica e preclínica" conxuntamente con empresas do sector saúde e biotecnológico.

Investigadores de Santiago lideran un proxecto europeo sobre enfermidades neurológicas asociadas ao envellecemento. SERGAS
Investigadores de Santiago lideran un proxecto europeo sobre enfermidades neurológicas asociadas ao envellecemento. SERGAS | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta