Os socialistas lanzan un vídeo para denunciar "as mentiras de Fejióo" sobre a sanidade pública

O Partido Socialista de Galicia lanzou este xoves un vídeo a través do que denuncia as "mentiras" do presidente da Xunta, Alberto Núñez Feijóo, sobre a sanidade pública galega. En concreto, os socialistas aseguran que a galega é a terceira comunidade con "menos médicos por habitante". "Un de cada catro traballadores do Sergas ten un contrato precario", engaden.

Así mesmo, apunta que Galicia é unha das autonomías con "máis espera" para acudir ao especialista e acusa a Feijóo de deixar de ofertar 150 prazas MIR".

"Galicia ten hoxe 1.250 profesionais menos en Atención Primaria que hai dez anos", di o PSdeG, que avisa de que nos centros de saúde "faltan pediatras, médicos de familia, fisioterapeutas, matronas e enfermeiras", mentres "Feijóo dedícase ás súas promesas baleiras".

"E agora fala da hospitalización a domicilio pensando na súa campaña. Non máis mentiras", reclama o PSdeG.

🏥🥼 Nos hospitais e centros de saúde de toda Galicia faltan médic@s de familia, pediatras, enfermeir@s, fisioterapeutas...

🌡💉 Pero agora Feijóo promete levar a atención a domicilio a todos os recunchos de Galicia 🤨🧐

🤚🏼 A súa credibilidade é cero#NonMáisMentiras pic.twitter.com/vBbpBrbs1h

— PSdeG (@PSdeG) 11 de xullo de 2019