Detectan o virus da hepatite E en ourizos de mar que se comercializan en Galicia para consumo humano

Científicos portugueses e galegos presentan un novo traballo no que se identifica por primeira vez no mundo a presenza do virus en exemplares desta especie importados do norte de Portugal. Anteriormente, os investigadores xa sinalaron a presenza de hepatite E en mexillóns, ameixas e berberechos das rías galegas. Piden medidas de control sanitario para minimizar os riscos.

Mexillóns, ameixas e berberechos das rías galegas, potenciais transmisores de hepatite E a humanos

Científicos identifican unha "prevalencia significativa" do virus da hepatite E en moluscos bivalvos das rías de Ares-Betanzos e Vigo, cuxa fonte de infección poderían ser granxas porcinas próximas. Advirten de que os procesos de depuración aos que se someten os moluscos destinados ao consumo humano “non son completamente efectivos para a eliminación viral”.