Achan o corpo dun octoxenario que levaba varios días morto na súa casa en Ferrol
Os veciños avisaron a Policía tras detectar un forte cheiro procedente do interior da vivenda do falecido.
Por E.P. | Cobas (Ferrol) | 03/08/2019 | Actualizada ás 17:03
O cadáver dun octoxenario en estado de descomposición foi atopado pasado o mediodía deste sábado na súa casa de Ferrol. Foron os veciños quen, asustados polo forte cheiro que procedía da vivenda, alertaron a Policía Local de que había días que non vían a este home.
Segundo informaron a Europa Press fontes dos Bombeiros de Ferrol, o aviso chegoulles a iso das 13.00 horas deste sábado, tras o que procederon a entrar na vivenda. Para acceder ao inmoble situado nun cuarto piso valéronse dun vehículo autoescala que os acercou a unha das xanelas.
Tras inspeccionar as dependencias do piso, nunha das habitacións atopouse o cadáver de J.C.A tirado no chan. Segundo as fontes consultadas, o home levaba morto "unha boa tempada, probablemente xa pasaría dos 10 días", dado que o corpo presentaba "efectos da descomposición e estaba bastante mal". Precisamente por estes motivos, o corpo foi conducido ao hospital xeral para ser sometido a unha autopsia.
O home, que naceu no 1933, vivía só na rúa San Salvador de Ferrol
