Novas protestas das contratas de R desde este martes contra a deslocalización

Fontes sindicais indican que sería un intento de deslocalizar servizos para outas zonas do Estado e que poría en risco máis de mil postos de traballo en Galicia.

Por E.P. | A CORUÑA | 12/08/2019 | Actualizada ás 17:14

Comparte esta noticia

O cadro de persoal de Comfica, empresa que presta o servizo de soporte telefónico para R na provincia da Coruña, convocou, a partir deste martes, novas xornadas de folga e protestas contra a deslocalización.

Segundo informa a CIG, será para expresar o seu rexeitamento "á intención da empresa de deslocalizar servizos a outras zonas do Estado, o que pon en perigo a continuidade de moitos postos de traballo no noso país". A central sindical asegura que se trata dunha medida que pon en perigo máis de mil postos de traballo en Galicia.

Os paros, que serán de 24 horas e acompañaranse de mobilizacións, desenvolveranse os días 13, 14, 20, 21, 27 e 28 de agosto. Coincidindo coa xornada deste martes, levarán a cabo unha concentración, ante o Obelisco coruñés, a partir das 19,30 horas. O mércores, día 14, a protesta terá lugar diante das instalacións de R no polígono de Agrela, ás 12,00 horas.

Teléfono móbil
Teléfono móbil

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Galiza Ceibe

Postos de traballo na nosa terra. Galiza Ceibe!