Por E.P. | SANTIAGO DE COMPOSTELA | 28/08/2019 | Actualizada ás 14:45
O Sindicato Provincial de Servizos, Mobilidade e Consumo de UGT na Coruña convocou unha folga, ademais de paros e concentracións, nos servizos de Contact-Center de R-Cable para o vindeiro luns día 2 de setembro contra a deslocalización de servizos.
Segundo informa, estas mobilizacións afectan a todos os servizos de soporte telefónico para R-Cable de diferentes empresas como Xestión C, GSS Atlántico, Sum Talk e Teleperformance.
Na folga, están chamados a participar os traballadores e traballadoras destas subcontratas "en protesta polas reducións de servizos que R-Cable está a levar a cabo e que veñen profundar na deslocalización de postos de traballo que xa se estaba producindo noutros sectores".
As accións convocadas por UGT expoñen unha folga de 24 horas, paros parciais de tres horas por quenda e unha concentración, ás 12,00 horas, diante do edificio de R no polígono da Grela.
Segundo a central sindical, son máis de 500 os operadores telefónicos que veñen prestando servizos nas subcontratas de Contact-Center que traballan para R-Cable na Coruña. UGT esixe que R-Cable garanta o mantemento destes postos de traballo na cidade da Coruña e non descarta "intensificar" as mobilizacións.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.