Por Europa Press / Redacción | Santiago de Compostela | 12/09/2019 | Actualizada ás 11:50
O número de novas sociedades mercantís baixou un 1,1% en xullo en Galicia en relación co mesmo mes de 2018, ata 281 empresas, á vez que as disolucións subiron un 11,1%, ata 80, segundo os datos que publica este xoves o Instituto Nacional de Estatística (INE). Un dato que se suma a do descenso da producción industrial en Galicia este ano.
As 281 sociedades mercantís creadas supuxeron a subscrición e o desembolso de case 91,13 millóns de euros, repartidas entre 280 sociedades limitadas (91,03 millóns) e unha anónima (96.000 euros).
As 80 disoltas, pola súa banda, correspondéronse con 58 operacións de tipo voluntario, unha fusión e 21 doutro tipo. Houbo desembolso de dividendos pasivos por parte dunha compañía, por 581.000 euros. Mentres, ampliaron capital 102 empresas, por 51,79 millóns (tres sociedades anónimas e 99 sociedades limitadas); e reducírono 20 (por 5,32 millóns).
DATOS ESTATAIS
No conxunto estatal, o número de novas sociedades mercantís incrementouse un 1,6% o pasado mes de xullo respecto ao mesmo mes de 2018, ata sumar 7.820 empresas, á vez que as disolucións empresariais incrementáronse un 9,2%, ata totalizar 1.622.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.