Por Galicia Confidencial | Compostela | 31/10/2019 | Actualizada ás 21:00
O presidente da Xunta, Alberto Núñez, quixo restar importancia aos distintos informes económicos que apuntan a unha recesión da economía galega. "Polo momento non temos datos que apunten a unha desaceleración", suliñou na rolda de prensa posterior ao Consello da Xunta.
Nos últimos días, un informe do BBVA e outro do Foro Económico de Abanca alertaban dun parón e unha desaceleración da economía galega. Con todo, na Xunta insisten en que o crecemento será de case o 2%. Por iso, Feijóo, a diferencia do feito co Brexit ou co AVE, descartou a necesidade de facer un informe sobre as previsións da economía do país.
"Ese informe xa está nos Orzamentos presentados hai uns días", indicou ao salientar que o conselleiro de Facenda fala dun crecemento do 1,9% da economía galega o vindeiro ano. "Uns datos que están en sintonía co que di o informe da Autoridad Independiente de Responsabilidad Fiscal (AIREF) que apunta a un 2,2%", dixo.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.