Por Europa Press / Redacción | SANTIAGO DE COMPOSTELA | 16/12/2019 | Actualizada ás 18:06
O novo toque de atención do Consello de Europa ao Goberno central e á Xunta sobre a situación do idioma está a suscitar toda clase de reaccións desde o ámbito político, social e cultural. A Real Academia Galega pronunciouse oficialmente este luns, a través dunha declaración na que insta o executivo de Alberto Núñez Feijóo a rachar co decreto do plurilingüismo e buscar un novo modelo educativo que asegure a vitalidade da lingua galega e respecte os dereitos dos seus falantes.
O último informe do comité de expertos do Consello de Europa sobre o cumprimento dos compromisos do Goberno respecto da Carta Europea de Linguas Rexionais e Minorizadas recomendou eliminar de inmediato as "limitacións" existentes para impartir docencia en lingua galega, referíndose especificamente ao chamado 'decreto do plurilingüismo' ou 'decreto do idioma' no ensino.
Esta recomendación, xunto coa de modificar a Lei Orgánica do Poder Xudicial para garantir o uso das linguas cooficiais nos procesos a petición das partes ou de mellorar o uso estas en a administración, vai "na liña das demandas" expresadas pola Academia, como así llo fixo constar ao propio Comité de Expertos. De feito, a propia RAG pediulle á CE que aprobase unha recomendación específica para que a Xunta "remova os obstáculos" á oferta formativa en lingua galega.
Segundo lembra, o Estado español está adherido a este tratado para protexer os dereitos dos falantes das linguas europeas e cumprila "nos seus termos máis amplos". O texto, no seu artigo 8, compromete ás autoridades a ofrecer unha liña de educación preescolar e de ensino primario, secundaria, técnica e universitaria en lingua galega.
"Este compromiso non só foi incumprido, senón que a normativa sobre o uso do galego no ensino vixente no noso país desde 2010 atópase en flagrante contradición con el, ao restrinxir este uso a un máximo do 50 por cento do currículo e excluíndoo totalmente de materias como as matemáticas, a física ou a química", advirte a institución.
"HONRAR" OS COMPROMISOS
A entidade presidida por Víctor Freixanes engadiu, ademais, que tanto os datos sociolingüísticos dos últimos anos como os estudos sobre a evolución do coñecemento do galego constatan o "alarmante retroceso" na poboación e na mocidade e "pon de relevo" os "negativos efectos das limitacións de uso" no sistema educativo.
Por todo iso, a Real Academia Galega "congratúlase do acordo" do Comité de ministros do Consello de Europa e insta as autoridades do Estado e, "especialmente, da Comunidade Autónoma" a seguir as recomendacións trasladadas no informe .
"É hora de honrar os compromisos contemplados na Carta Europea de Linguas Rexionais e Minoritarias para que Galicia se dote dun modelo educativo que garanta os dereitos dos gallegohablantes e asegure a vitalidade do noso idioma", conclúe.
SILENCIO
Sobre esta cuestión chamou a atención que ningún partido político da oposición; PSdeG, Común da Esquerda, BNG ou En Marea, se referira claramente ao alarmante informe do Consello de Europa sobre a supervivencia do galego a pesar de que todos os seus dirixentes realizaron a tradicional rolda de prensa dos luns. A emerxencia lingüística non foi un tema que estivo na axenda destes partidos, especialmente, dos nacionalistas como o Bloque ou En Marea.
Un tema que si estivo desde que se coñeceu na axenda da Mesa pola Normalización. O seu presidente, Marcos Maceira
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.