Por Europa Press / Redacción | VIGO | 23/12/2019 | Actualizada ás 13:48
O conselleiro de Economía, Emprego e Industria, Francisco Conde, sinalou a industria forestal como clave para potenciar o monte galego, así como a bioeconomía para fomentar o acceso a novos mercados.
Segundo detallou a Consellería de Economía, Emprego e Industria nun comunicado, Conde tamén subliñou a importancia de fomentar o emprego ecolóxico e de buscar aplicacións novas para a madeira en sectores estratéxicos, como o naval e a automoción.
Ademais, destacou a aposta da empresa Maderas Vial das Neves pola innovación e a formación para asegurar o seu desenvolvemento no marco dunha visita ás súas instalacións realizada este luns.
Neste sentido, remarcou que esta compañía familiar, afectada por un incendio en 2017, se reactivou e incrementou a súa liña de execución. Así, apuntou que espera incrementar a súa produción nun 50 por cento mediante un novo subproduto.
En concreto, esta empresa recibiu unha axuda autonómica por valor de 600.000 euros que lle permitiu reparar o seu establecemento e repor as súas existencias, danados polo lume. Esta subvención formou parte dun plan destinado a paliar os efectos dos incendios de 2017 que mobilizou un tres millóns de euros.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.