Por E.P. | SANTIAGO DE COMPOSTELA | 26/12/2019 | Actualizada ás 16:30
A ocupación en aloxamentos rurais para celebrar a Noitevella está no 79,57% en Galicia, cinco puntos por baixo da media española (do 84,54%) e á cola de comunidades, segundo o portal Casasrurales.net.
Agora mesmo, en España a ocupación é superior á rexistrada o ano pasado (75%) a falta das reservas de última hora neste catro días.
A Comunidade de Madrid sitúase este ano como o destino preferido polos viaxeiros para celebrar o fin de ano, cun 88,39% de ocupación. De preto séguenlle Canarias, cun 88% e Aragón (87,85%).
A lista de comunidades con maior ocupación en aloxamentos rurais complétana Navarra (87,15%), Cataluña (86,42%), a Rexión de Murcia (85,91%) e a Comunidade Valenciana (85,74%), mentres que Cantabria (80,39%), Asturias (80,30%) e Galicia (79,57%) sitúanse na cola.
Por provincias, Huesca (88,27%), Xirona (88,11%), Zaragoza (88,06%) e Barcelona (87,60%) son as preferidas para tomar as uvas este ano. Na cola sitúanse Valladolid (80,36%), Almería (78,70%), Ourense (78,06%) e Lugo (76,36%) sendo estas tres últimas as únicas que baixan do 80%.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.