Os sectores de comercial e artes e oficios lideran a creación de emprego galega
Así consta nun estudo que vén de realizar a plataforma InfoJobs.
- A Xunta sitúa ao diálogo social como "mellor ferramenta" para asegurar un traballo de "calidade e de futuro"
- O número de traballadores afectados por ERE dispárase un 70% en Galicia
Por E.P. | SANTIAGO DE COMPOSTELA | 13/01/2020 | Actualizada ás 11:44
Os sectores laborais de comercial e vendas e de profesións, artes e oficios foron os principais ámbitos que canalizaron a creación de emprego en Galicia en decembro, concluíndo así o ano 2019.
Polo menos así consta para a plataforma 'InfoJobs' que, segundo engadiu, rexistrou un total de 145.698 vacantes de emprego, 6.265 en terras galegas, o pasado mes. Do total das cifras galegas, un 21 por cento correspondíanse co sector de comercial e vendas, seguido de Profesións, artes e oficios (13%) como os que aglutinaron máis vacantes neste período.
A plataforma tamén destacou outros campos, como informática e telecomunicacións e Compras, loxística e almacén, que rexistraron un 9 por cento e un 7,5 por cento das vacantes, respectivamente.
De todas as prazas rexistradas a nivel estatal, un total de 40.663 correspondíanse con contractos indefinidos, mentres que 47.999 postos (33%) foron de duración determinada.
Galicia, pola súa banda, contou cun 15% de vacantes presentaban contratación indefinida, e un 37% determinada. Así mesmo, o 55% das prazas representaban traballos a xornada completa.
MADRID E CATALUÑA
O 'ranking' de comunidades autónomas segue liderado por Madrid e Cataluña que mes a mes continúan sendo as que máis emprego xeran. En decembro, en concreto, supuxeron o 56% de vacantes ofertadas en InfoJobs.
A Comunidade de Madrid rexistrou 46.707 postos de traballo ofertados, (o 32% do total de vacantes). Pola súa banda, Cataluña ofertou as 34.985 vacantes, o 24% do total. Andalucía mantívose como a terceira Comunidade con máis volume de vacantes publicadas, acumulando 13.838 (o 9,5% do total).
