O PP galego participará en Madrid na manifestación da industria electrointensiva
Será o vindeiro mércores, para apoiar as reivindicacións dos traballadores.
Por Europa Press / Redacción | SANTIAGO DE COMPOSTELA | 17/01/2020 | Actualizada ás 15:12
O secretario xeral do PPdeG, Miguel Tellado, anunciou que os populares galegos estarán presentes na manifestación da industria electrointensiva que terá lugar en Madrid o vindeiro mércores para apoiar as reivindicacións dos seus traballadores.
Co futuro de Alcoa en San Cibrao no aire, Tellado criticou que ata agora os socialistas se escudaban en que o Goberno central estaba en funcións para non formalizar medidas como un novo estatuto para as empresas electrointensivas.
"Pero agora, conseguido o único obxectivo polo que traballaban (en referencia a facer a Pedro Sánchez presidente), xa non hai escusas", advertiu, antes de lembrar que moitos empregos en Galicia dependen da industria electrointensiva.
