Inaugúrase a expo que reuniu a máis de 50 músicos nun hotel
O Centro ágora acolleu onte a inuaguración da exposición "MusiCalidades". Máis de cincuenta músicos galegos e galegas pechados unha xornada nas habitacións do hotel compostelano NH Obradoiro. O acto pechouse cun concerto-mostra con dez bandas e artistas.
Por GC Tendencias | A Coruña | 15/09/2012 | Actualizada ás 10:42
Abriu as intervencións a propia fotógrafa, Sue Rainbow, quen agradeceu ao Concello da Coruña, aos músicos e artistas, ao NH Obradoiro e á tende de música compostelana Discos Fan's todo o apoio amosado. Tamén tivo palabras de agradecemento para o seu compañeiro de iniciativa, Paco Gallego. A continuacion, tomou estae a palabra para lembrar a importancia da música pop na cultura popular e referenciar os pasados Xogos Olímpicos de Londres como a proba da inportancia que pode ter a música na vida das xentes ou mesmo na economía., xa que, segundo as súas palabras, "a música é a segunda achega ao PIB no Reino Unido".
Pechou o acto o Alcalde da Coruña. o popular Carlos Negreira, quen estaba acompañado da Concelleira de Cultura, Ana Fernández. Na súa intervención comprometeu o seu apoio, na medida das posibilidades, a iniciativas que poñan en valor a nosa música.
O feito de que moitas e moitos dos protagonistas das instantáneas estivesen presentes no acto creou, en non poucas ocasións, a sensación de que as imaxes estaban en 3D.
Rematada a parte máis formal, púidose escoitar un concerto-mostra con dez bandas e artistas que rematou pasadas as once da noite. Roi Casal, Carlos Bau, Mónica de Nut, Jacobo Paz & Dos Mundos + Zaro Arte en Tinta, Cardigan Brisge, Baldosa Amarilla, YUL, Sabdios e The Gone&Lost representaron, nesta ocasión, o conxunto de MusiCalidades.
Iremos subindo material gráfico exclusivo estes días á nosa páxina de facebook.
Entre os asistentes, Nostatic, Los 22, Pouca Bala, Eva Coyotexpress, o colaborados de GC Tendencias Rubén Novo (Empuje.net), Roberto Cibeiro de When Nalda Became Punk, os sempre espectaculares Plus Lottus e un longo etcétera musical poucas veces reunido no mesmo espazo. Tamén estaba presente unha boa representación do hotel NH Obradoiro na figura do seu director, Esteban Iglesias, e da Responsable de Organización de Eventos, Pilar Parada.
Os promotores de MusiCalidades, que xa falan de próximas cidades, prometen que a música continuará. O evento foi recolido polas cámaras da TVG.
