Achan morto na súa vivenda en Ourense a un home de 39 anos
Foi a súa irmá a que alertou que non o localizaba. Levaba entre tres e cinco días morto.
Por Europa Press / Redacción | SANTIAGO DE COMPOSTELA | 01/04/2020 | Actualizada ás 10:52
Un home de 39 anos de idade foi localizado na noite deste martes morto no seu domicilio na cidade de Ourense, cuxo corpo non presentaba signos de violencia, polo que apuntaron a unha "morte natural".
Así o explicaron a Europa Press fontes policiais, despois dos Bombeiros de Ourense accedesen á vivenda onde foi achado o corpo do home tras alertar a irmá do falecido que non lograba contactar con el.
O persoal médico que acudiu ao domicilio, situado na rúa Río Sil da cidade de Ourense, apuntou a unha "morte natural", á espera de que a autopsia ratifique as causas. As mesmas fontes policiais sinalaron que o home, que vivía só, podía levar morto "entre 36 e 72 horas". A Policía Nacional, que se encargou das dilixencias, ratifica que, como faleceu por "causas naturais", non abriu investigación pola ausencia de signos de violenta.
