Podemos pide reformar o Estatuto de Asturias para declarar a oficialidade do galego-asturiano

O deputado Rafael Palacios considera que o galego-asturiano debe formar parte do proceso de "reconstrución" de Asturias.

Por Europa Press / Redacción | OVIEDO | 07/05/2020 | Actualizada ás 20:13

Comparte esta noticia

O deputado de Podemos na Xunta Xeral do Principado de Asturias (JGPA), Rafael Palacios, aproveitou a xornada previa ao Día de les Lletres para insistir na necesidade de abrir a reforma do Estatuto de Autonomía do Principado de Asturias para declarar a oficialidade da lingua asturiana.

"A nova normalidade ten que ser a oficialidade", dixo o parlamentario que considera que o asturiano e o galego-asturiano teñen que formar parte do proceso de 'reconstrución' de Asturias.

Este venres 8 de maio ía celebrarse a tradicional manifestación con motivo do Día das Letras Asturianas. Palacios animou á cidadanía a participar e apoiar a campaña da Xunta pola Defensa da Llingua para apoiar a oficialidade.

O deputado de Podemos Asturies, Rafael Palacios, en rolda de prensa.. EUROPA PRESS - Arquivo
O deputado de Podemos Asturies, Rafael Palacios, en rolda de prensa.. EUROPA PRESS - Arquivo | Fonte: Europa Press

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta