O CCG publica as primeiras gravacións sonoras de temática galega atopadas ata o momento

O Consello da Cultura Galega publicou este mércores catro gravacións sonoras, de entre finais do s.XIX e inicios do XX, de temática galega . Segundo detallou o CCG, os documentos foron localizados e identificados polo especialista Carlos Martínez Ballester. Así, a 'Alborada do Gaiteiro de Valdeorras', gravada entre 1897 e 1900, sería, ata o momento, a gravación máis antiga de tema galego conservada e tamén o primeiro rexistro sonoro dun gaiteiro do país.

Outra das pezas, a Muiñeira de Branca da Carmen, rexistrada sobre 1900, sería a primeira gravación coñecida dunha canción en galego cantada por unha muller. Estes documentos que, segundo Carlos Martín, poden anticipar a localización de novos testemuños de paleografía sonora vinculada a Galicia, están a disposición na web do CCG.

Gaiteiros con cantos dos Reis en Baleira, Lugo