As recomendacións que Marcial Dorado lle fixo ao seu "amigo" Feijóo: "Se queres algo, afíliate ao PP"

“Interiormente seguro que ten que arrepentirse –de dicir que non o coñece--”, di e lembra que estiveron xuntos en varias viaxes en Picos de Europa, Eivissa e en Portugal un Fin de Ano. Tamén lembra que puido pagarlle varias cousas nestas viaxes e coñeceulle "dúas ou tres mozas". Recoñece que tivo presións de ministros do PP e do PSOE para falar sobre a súa amistade co presidente galego.

Por Galicia Confidencial | Madrid | 10/05/2020 | Actualizada ás 23:39

Comparte esta noticia

“Agora vese que é político xa. Non quero dicir que non sexa honrado, pero xa é político. Non fala co corazón senón co cerebro do político. E doe. Se durmes na miña casa en Baiona e se a miña muller te fai o almorzo... Iso non é unha relación estreita, ancha ou cadrada”. É a confesión que fixo o narco Marcial Dorado este domingo nunha entrevista con Jordi Évole.

Nova fotografía de Feijóo con Marcial Dorado no Oratus, un barco que, segundo Aduanas, serviu para traficar droga
Nova fotografía de Feijóo con Marcial Dorado no Oratus, un barco que, segundo Aduanas, serviu para traficar droga | Fonte: El Pais

De feito, Dorado defendeu durante toda a entrevista a relación de amistade que tivo co presidente galego e como o defendeu contra os ataques do seu propio partido e do PSOE. Por iso, dóelle que Feijóo non recoñeza a relación de amistade que mantivo con el, especialmente, tras escoitar a entrevista do líder do PPdeG con Évole na que dixo que non tiña unha relación estreita con el.

Case me dá pena a entrevista que lle fixeches. Non soubo saír. Complicouse. A xente chegou a dubidar se tiña negocios con el. Púxose nervioso e non tiña por que. Se antes non era narcotraficante. Se a el lle chega a pasar algo como o que me pasou a min eu diría que é amigo meu. Interiormente seguro que ten que arrepentirse porque eu son un cabaleiro e son honrado”, dixo.

INICIO DA AMISTADE

Neste sentido, lembrou como coñeceu ao agora presidente galego. “Foi a través de Manuel Cruz, que entón era chófer do ex conselleiro Juan Fernández”, lembrou. A partir de aí comezaron a manter relación nun momento no que Feijóo era  o número dous da consellería de Sanidade. Entón, lembra, non era político. “A min non me gustaban os políticos. El non exercía como tal. De feito nin estaba afiliado ao PP. Comentoume que igual ía para Madrid e foi entón cando eu lle dixen: se queres algo terás que afiliarse ao PP”.

Feijóo, Dorado e María Xosé Alende Maceira
Feijóo, Dorado e María Xosé Alende Maceira | Fonte: El País

A partir de entón, 1995 e ata 2001 manteñen unha estreita relación. Van de vacacións a Ibiza, aos Picos de Europa e a un fin de ano a Portugal. Tan estreita era a súa relacións que lembra que lle coñeceu “dúas ou tres mozas”. Destaca del que non era “nada de noite” nin ten “vicios”. “Non bebe, non fuma. Sempre foi un vello. Non lle tira a festa”, di.

Con todo, e a pesar de que cada un pagaba a súa viaxe, Dorado destacou que “se podía” el pagaba “sempre”. “E seguro que eu paguei algo máis. Nunca me pesou pagar máis ou menos”, indicou.

AS FAMOSOAS FOTOS

Sobre as fotos publicadas no 2013 lembra que, tras a súa publicación, chegou un funcionario e dille: 'Marcial, estabas a punto do permiso, acaban de matarte con isto'.  "Pois efectivamente, afundíronme. Esas fotos afundíronme, non me deron permiso nin me deron nada", destaca o narco, quen conta como empezou a "dar voltas á cousa".

Esas fotos, atopadas na súa casa nun rexistro da Axencia Tributaria, foron filtradas á prensa, e, con iso, a actitude do narco no cárcere cambiou. Dorado conta que entón decidiu actuar a través da súa muller: "Por favor, até agora díxenche que estiveses tranquila, agora dígoche que denuncies a quen dixo que as filtrou".

ATAQUES DO PP

Despois de que Jordi Évole pregunte a Marcial Dorado se é verdade que en 2018, tras a dimisión como presidente do PP de Mariano Rajoy, e cando Núñez Feijóo soaba como posible sucesor e á fronte do partido, a el denegáronlle todos os permisos penais, Dorado fala da súa relación co partido.

Así, conta sobre visitas que recibía de xente mandada por "algún ministro do PP de Madrid" para que o narco "lanzase merda" sobre Núñez Feijóo a cambio dalgún beneficio penal. "Xamais vou dicir todo o que me contaron porque non lles dei pé, déronme até o nome dunha persoa", destaca.

Neste sentido, manda unha mensaxe ao que foi o seu amigo Alberto Núñez Feijóo: "Vólvolle a dicir que se coide, que se coide dos seus amigos, pero se tiña un amigo san, era este".

MINISTRO SOCIALISTA

Dorado tamén conta como lle mandou "un recado a través doutra persoa" a un ministro socialista, naquel momento no Goberno de José Luís Rodríguez Zapatero, pedíndolle axuda ante a inxustiza, segundo o narco, da súa situación: "Para que me quitase de aí, porque me estaban sacando nos xornais, estaban a bloquearme contas e estábanme asfixiando as empresas".

Aínda que conta que nun principio non tivo resposta, un día todo cambiou. Así, lembra que lle tocaron á porta, e sentaron dúas persoas". “Vanche a condenar. Se ti admites agora mesmo que chame a unha persoa en Madrid e veña aquí, dúas persoas, unha ou dúas persoas, prometémosche, sempre que fagas unhas declaracións, que se che aparta de todo", lembra, segundo Dorado, que lle dixeron nesa visita. Jordi Évole pregunta ao narco se esta petición era para que el inculpásese dalgún delito". "Que me inculpase eu ou que lle bote ao lixo a xente falando de subvencións", explica Dorado.

Preguntado por Évole se esta persoa á que querían "botar lixo" era Núñez Feijóo, o narco responde tallante: "Téñoo clarísimo. Se non, que interese tiña? Porque ese señor estaba a vir aquí e era forte".

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta