Por E.P. | SANTIAGO DE COMPOSTELA | 20/05/2020 | Actualizada ás 20:36
A Confederación de Empresarios de Ferrolterra, Eume e Ortegal (COFER) pide responsabilidade á dirección e aos sindicatos de Navantia Ferrol para retomar a actividade, tras a paralización executada este mércores polo comité de empresa, ao entender que non se está cumprindo o protocolo de seguridade para evitar posibles contagios de coronavirus.
A través dun comunicado, COFER, asegura que "para a comarca é moi necesario que o estaleiro volva á súa actividade canto antes e da maneira máis plena posible", segundo detallou o presidente da entidade, Cristóbal Dobarro, "porque diso dependen moitas outras empresas da zona".
Dobarro asegurou que Navantia compite no contexto internacional con outros estaleiros que si teñen actividade e que os propios centros de traballo do grupo público en San Fernando e Puerto Real (Cádiz) e Cartagena (Murcia) están a funcionar, polo que esta situación de paro "non pode prolongarse máis no tempo xa que pon en perigo a viabilidade doutras empresas e dos postos de traballo".
Por último, COFER apela á responsabilidade das partes para que "antepoñan os intereses da sociedade aos individuais" e sostén que co nivel de contaxios de COVID-19 que existe agora mesmo na comarca "non se xustifica ter o estaleiro parado".
CRÍTICAS DESDE UGT
Por outra banda, o sindicato UGT asegura, a través dun comunicado, que a decisión de impedir o acceso dos traballadores ao seu posto de traballo alegando causas de incumprimento do protocolo de seguridade, responde a "intereses particulares duns poucos".
Detrás desta acción "só escóndese unha batalla da empresa Acciona", engade, que é a concesionaria do servizo de limpeza nas instalacións deste estaleiro, e "algún líder sindical que pretende que a súa empresa manexe a Navantia á súa antollo", dirixindo as súas críticas facía CCOO.
"Estamos completamente de acordo en que hai que desinfectar e limpar e garantir a saúde dos traballadores, pero a consecuencia destas actuacións é nefasta para o conxunto dos traballadores da industria auxiliar que agora volven ao desemprego".
Desde este sindicato inciden en que "hai un culpable que é Navantia, por permitir que o interese dun líder de micrófono utilizando ao comité de Navantia Ferrol pare un estaleiro".
Por último, aseguran que "estamos de acordo con preservar a saúde dos traballadores, pero aquí estase utilizando a saúde dos traballadores como escusa para conseguir intereses particulares", en alusión a un responsable do sindicato CCOO".
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.