Comezan a abrir algúns pasos fronteirizos entre Galicia e Portugal, pero só en Ourense
O paso fronteirizo de Calvos de Randín e Tourém abre desde este luns dous días por semana.
Por Europa Press / Redacción | VIGO | 01/06/2020 | Actualizada ás 10:04
O paso fronteirizo entre Calvos de Randín (Ourense) e Tourém (en Montalegre, Portugal) abrirase a partir deste luns farao, inicialmente, dous días á semana, segundo confirmou o alcalde desta localidade ourensá, Aquilino Valencia (PSOE).
Esta medida establécese, de común acordo entre España e Portugal, para abrir os luns e os xoves de 6,00 a 8,00 e de 17,00 a 19,00 horas.
O alcalde de Calvos de Randín expresou a Europa Press a súa satisfacción pola apertura deste paso no que, recoñeceu, "non hai moito tránsito, pero é moi necesario". "Somos dous pobos que temos moito en común, hai xente que vive nun lado e traballa noutro, e estaban a dar un rodeo de 60 quilómetros para chegar ao paso de Verín", xustificou.
