Os pneumáticos, agás os de bici, deberán ser reutilizados ou reciclados e non poderán ir a vertedoiros

Os produtores de rodas quedan obrigados a reciclalos mentres sexa posible ata que finalmente se destinen a valorización enerxética.

Por Europa Press / Redacción | Madrid | 04/08/2020 | Actualizada ás 18:42

Comparte esta noticia

O Consello de Ministros aprobou un Real Decreto para mellorar a xestión dos pneumáticos que están fóra de uso e rodalos cara a un modelo de economía circular. Entre as medidas dispostas na nova norma os pneumáticos, agás os de bicicleta, deberán ser reutilizados e reciclados sempre que sexa posible ata que finalmente sexan valorizados.

Ademais, os pneumáticos grandes xa non poderán ser depositados en vertedoiros, como ata agora, e establécese un sistema de responsabilidade ampliada do produtor.

A nova norma establece a prioridade de reutilizar os pneumáticos e establece as condicións que deberán ter os de segundo uso e os recauchutados para a súa nova comercialización. O Real Decreto, segundo o Goberno, acelerará a transición do sector dos pneumáticos fóra de uso cara a un modelo de economía circular.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta