Por X.M. Fernández | Allariz | 22/08/2020 | Actualizada ás 11:00
Zinemusik e Escena Sonora coa colaboración do Concello de Allariz e a Deputación de Ourense, organizan o Festival Internacional de Curtametraxes de Comedia. Un evento no que os espectadores poderán gozar, de forma segura seguindo todos os protocolos sanitarios, da proxección dunha selección de curtas de humor procedentes de diferentes países así como doutras actividades paralelas que incluirán espectáculos infantís, cinema ao aire libre e música.
Óscar Doviso e Jose Freiría, director e co-director do festival RIR, explicaron na presentación do evento as medidas que se tomarán para desenvolver a programación, con protocolos e garantías para o público asistente. Así mesmo agradeceron o apoio loxístico e económico por parte do Concello de Allariz e da Deputación de Ourense.
A edición deste ano está dedicada a Harold Lloyd e nela competiran 42 curtas de animación e ficción que se poden consultar no programa do festival. Os espazos nos que se desenvolverán as mesma estarán distribuídos entre a Casa da Cultura, a Fundación Vicente Risco, o Espazo BenComún, o Campo dos Brancos e a Praza do Matadoiro.
Allariz acolle por terceiro ano consecutivo o Festival RiR, "consolidándose no tempo e afianzándose" segundo comenta a alcaldesa da vila, Cristina Cid. A rexedora remarca tamén a importancia dunha programación cultural estable, na que o Festival RIR se enmarca nos últimos anos, formando parte destes obxectivos que o concello sempre defendeu, como son o entretemento e a actividade económica, xa que a cultura tamén é un motor económico.
Se tes problemas ou suxestións escribe a webmaster@galiciaconfidencial.com indicando: sistema operativo, navegador (e versións).
Agradecemos a túa colaboración.