Ríos de chapapote nas zonas arrasadas polos incendios de Ourense

As imaxes volven repetirse ano tras ano sen que as administracións actúen para evitar a erosión dos leitos.

Por Galicia Confidencial | Ourense | 22/09/2020 | Actualizada ás 22:30

Comparte esta noticia

Negro, escuro, como se fora chocolate. Así baixa estes días o río Arnoia. As fotos son do seu pazo pola Ermida, en Vilar de Barrio. Unha imaxe que se repite noutros ríos e regatos dos concellos máis afectados polos incendios das últimas semanas en Ourense, especialmente, en Manzaneda, Vilariño de Conso, Entrimo, Lobios, Muíños, Chandreixa de Queixa ou Viana do Bolo.

Os leitos de ríos erosionados convértense en transportadores de chapapote forestal cando hai choivas logo dun incendio
Os leitos de ríos erosionados convértense en transportadores de chapapote forestal cando hai choivas logo dun incendio | Fonte: remitido

E é unha imaxe que se repite cada vez que hai grandes incendios e logo fortes chuvias ou treboadas, como aconteceu nos últimos anos. Hai experiencia xa doutros anos. En 2017 o Arnoita tamén baixou negro tal e como se ve no vídeo. Entón, asociacións ecoloxistas insistiron na necesidade dunha rápida actuación sobre os leitos para evitar erosións. Entón non se fixo nada, como tampouco agora.

“É obriga das administracións públicas Lei de Montes, Lei de Augas... (Xunta de Galicia, Estado español...) priorizar traballos para minimizar danos”, di Xosé Santos Otero, axente forestal e membro da plataforma ecoloxista Amigas das Árbores.

Precisamente, esta entidade anuncia a organización dun obradoiro e actividade de "restauración ecosistema calcinado" este sábado 26 de setembro para traballar con barreiras feitas con vexetación para evitar a erosión nas cabeceiras dos ríos.

Río de chapapote. Así está o río Arnoia ao sue paso pola Ermida, en Vilar de Barrio
Río de chapapote. Así está o río Arnoia ao sue paso pola Ermida, en Vilar de Barrio | Fonte: remitida

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 1 comentario

1 Xurxo

Chamarlle chapapote á cinsa é pouco acertado