Novas críticas á "manipulación informativa" da CRTVG na xornada de folga dos institutos

Denuncian que a cadea deu un "minuto de ouro" a un sindicato minoritario e contrario á folga para xerar unha imaxe de "división".

Por Galicia Confidencial | SANTIAGO DE COMPOSTELA | 24/09/2020 | Actualizada ás 21:25

Comparte esta noticia

Enésimo episodio de críticas ó informativos da CRTVG. A folga no ensino da xornada do pasado mércores saldouse cun impacto máis discreto que a da semana anterior malia as mobilizacións artelladas por CIG-Ensino, CCOO e STEG. Con todo, o impacto da xornada segue presente este xoves non tanto polo golpe de efecto de sindicatos e docentes senón pola cobertura ofrecida polos medios públicos galegos.

Cacelorada de profesores ante a Xunta contra o protocolo da Consellería este verán
Cacelorada de profesores ante a Xunta contra o protocolo da Consellería este verán | Fonte: GC

A principal das denuncian artelladas nas últimas horas teñen que ver coa orientación fundamental da noticia da canle pública, que escolleu titular a peza co lema: "os sindicatos afrontan a xornada divididos". Esta tónica viuse reforzada coa intervención dun representante de ANPE, que sinalou que "non é o momento" facer folgas.

A visión do Sindicato Independente entraba así en claro contraste co sinalado por CIG, CCOO e STEG, impulsores da xornada de folga para protestar contra o protocolo da Consellería de Educación nas súas múltiples variantes. Neste aspecto, as críticas dos usuarios centráronse no papel secundario do sindicato ANPE no seo do sector educativo galego.

Á par, a propia CIG acusou á CRTVG de "romper todos os moldes" de "manipulación" ao introducir un dato que, segundo o sindicato, sería falso. Ao parecer, a canle pública tería posto en boca dos representantes sindicais unha "valoración positiva" do incremento de "case 2.000 mestres" da Xunta, "algo que evidentemente é falso", segundo destaca o Secretario Nacional de CIG-Ensino, Suso Bermello, na súa conta de Twitter.

De feito, foi a propia CIG a que uns días atrás emitiu un comunicado destacando que o número real de profesores que se sumarían ás aulas galegas logo da cesión da Consellería era, en realidade, moito menor: "a ampliación real é de 221 interinos, non 847", sinalaron, tal e como publicou Galicia Confidencial.

Comparte esta noticia
¿Gústache esta noticia?
Colabora para que sexan moitas máis activando GCplus
Que é GC plus? Achegas    icona Paypal icona VISA
Comenta
Comentarios 6 comentarios

2 Un simple mortal

Decir que ANPE e sindicato secundario cando e a segunda forza a nivel nacional e a terceira a nivel galego indica o sectarismo dos que consideranse o centro do universo. Unha pouca de modestia non viria mal. E bon que existan discrepancias e que as información sexan plurais.

1 Amancio

Agradecidos por esclareceres. En Galicia ANPE non é sindicato secundario, é terciario. Salvo na TVG onde é primario. Ficou todo claro.

2 Sentidiño

Cando lles interesa, tanto sindicatos coma patronal e goberno (e a prensa) invocan a categoría de "sindicato máis representativo", que é un termo da lexislación laboral que permite moitos enganos, e que debería modificarse. Dá a entender (mal) que se trata dun sindicato maioritario, cando non é así. Un sindicato pode pertencer ao grupo de "máis representativos" con só o 10% dos delegados; ou mesmo ter unha representatividade ínfima, pero ser "máis representativo" mediante a asociación cun sindicato dese tipo.

3 Sentidiño

Se eu rexistrase o Sindicato Ourensao de Bailaoras Flamencas, e me asociase con USO, pasaría a dirixir un dos sindicatos "máis representativos".

1 Rafael

A información da CRTVG, asi como a de La Voz de Galicia é unha manipulación constante. ¿Qué fai a oposición que non o denuncia?.

1 Comandante

O seu lado Angel Gabilondo semella o Che Guevara