Galicia roza xa o medio milleiro de contaxios, como nos momentos duros da pandemia
As zonas máis afectadas son as de Vigo, con 111 contaxiados e 78 en Santiago.
Por Europa Press / Redacción | SANTIAGO DE COMPOSTELA | 22/10/2020 | Actualizada ás 10:46
Os positivos por Covid-19 detectados en Galicia nas últimas 24 horas por PCR volveron a repuntar tras sumar outros 461 --o que supón 20 máis que a xornada anterior--, deles 111 corresponden á área sanitaria de Vigo e 78 á de Santiago e Barbanza.
Así se reflicte nos datos publicados na mañá deste xoves na web do Sergas con rexistros ata as 18,00 horas deste mércores, recollidos por Europa Press, nos que se indica que en Ourense houbo 76 novos positivos por PCR confirmada nas últimas 24 horas; 65 na área da Coruña e Cee; 50 na de Pontevedra e O Salnés; 46 na de Lugo e 35 na de Ferrol.
Os casos activos tamén se incrementaron ata os 5.675, o que supón 218 máis con respecto aos datos deste mércores. En concreto, soben en todas as áreas sanitarias agás na de Ourense, onde volven descender lixeiramente en cinco e sitúanse en 1.489.
Mentres, o maior incremento de casos activos corresponde á área de Vigo, con 95 máis ata os 995; seguida de Santiago, cunha subida de 40 ata os 891; 32 máis en Ferrol, que conta con 283; 26 na de Pontevedra e O Salnés que se sitúa en 564; outros 24 máis na de Lugo ata os 542; e seis na da Coruña e Cee, que ten 911.
En Galicia curáronse ata o momento 24.255 persoas, o que supón 243 máis que as rexistradas ata este mércores. E realizáronse un total de 609.516 PCR e 391.246 probas serológicas.
VÍTIMAS
Ata a data faleceron en Galicia 847 persoas. As últimas 11 vítimas foron notificadas na tarde deste mércores, seis delas procedentes da residencia Os Gozos de Pereiro de Aguiar (Ourense).
En concreto, as últimas falecidas foron unha muller de 87 anos ingresada no Complexo Hospitalario da Coruña, unha muller de 85 ingresada no Complexo Hospitalario de Ferrol e unha muller de 88 anos ingresada no Clínico de Santiago.
Así mesmo, morreron unha muller de 77 anos e un home de 94 que se atopaban ingresados no Hospital de Verín (Ourense) e tres mulleres --de 99, 90 e 82 anos-- que estaban no Complexo Hospitalario de Ourense. As tres últimas vítimas procedían da residencia Os Gozos, de Pereiro de Aguiar.
A maiores, nesta mesma residencia ourensá rexistráronse tres novos falecementos, os de dúas mulleres de 92 e 87 anos e o dun home de 89 anos.
Este número de vítimas --11 nunha xornada-- é das máis altos que comunicou Galicia en nova normalidade. En concreto, o pasado 13 de outubro, hai pouco máis dunha semana, Sanidade tamén comunicou 11 falecidos, a cifra máis alta rexistrada na Comunidade desde o 26 de abril, cando morreron 15 persoas en relación á covid-19.
USUARIOS DE RESIDENCIAS
Os usuarios de residencias de maiores de Galicia afectados pola covid-19 volveron a crecer este xoves, superando de novo os 300 casos, tras a detección dun novo brote con 25 contaxios en Salvaterra do Miño. En concreto, segundo os datos do parte diario da Consellería de Politica Social, o total de usuarios afectados aumenta ata os 315, boa parte por un brote detectado na residencia de Salvaterra do Miño, que afecta a 25 usuarios e a tres traballadores.
Ademais, detectáronse cinco novos contagios de maiores na residencia Ballesol de Oleiros e doutro da Nosa Señora dos Anxos de Ribadavia, en Ourense. Así mesmo, déronse de alta tres usuarios da residencia Santa Marta de Vigo. No último parte de Sanidade informaban, ademais, do falecemento de seis usuarios da residencia Os Gozos de Pereiro de Aguiar.
Deste xeito, a residencia con máis contaxiados continúa sendo, de feito, a de Os Gozos, con 153 afectados; seguida da residencia Val de Monterrei, con 45; Nosa Señora do Viso de Lobeira, con 33; Salvaterra de Miño, con 25; Ballesol de Oleiros, con 17 contaxiados; DomusVi Lugo de Outeiro de Rei, con 13; As Salinas de Ourense, con nove; e Santa Marta de Vigo, con seis.
Con tres casos están a Virxe Branca de Ourense e San José Hermanitas de Narón; mentres que con dous sitúase a Vivenda comunitaria Pepe Isa II de Entrimo e a DomusVi A Coruña de Oleiros. Cun en cada unha están a Residencia Nosa Señora dos Milagres de Barbadás, Residencia Torrente Ballester da Coruña e Residencia de Maiores de Bibres, en Cambre.
TRABALLADORES
En canto aos traballadores, os datos actualizados sitúan en 120 os empregados destes centros con covid. Na última xornada detectáronse os contaxios dun traballador nas residencias Casar A Zapateira de Culleredo, Fundación José Otero, Val do Dubra, Castro Ribeiras de Lea, A nosa Señora das Dores de Forcarei e Santa Marta de Vigo.
Así mesmo, hai dous novos positivos entre os empregados da Ballesol de Oleiros e tres na residencia de Salvaterra de Miño. Pola contra, deuse de alta a dous traballadores afectados das Salinas de Ourense, un da San Martín da Mezquita e a seis da residencia Os Gozos, de Pereiro de Aguiar.
Deste xeito, as residencias con máis traballadores contaxiados son a de Os Gozos do Pereiro de Aguiar, con 41; DomusVi Lugo de Outeiro de Rei, con 11; a Ballesol de Oleiros, con 11; a Val de Monterrei, con sete; e a Nosa Señora do Viso de Lobeira, con seis.
CENTROS DE DISCAPACIDADE
Pola súa banda, os centros de atención a persoas con discapacidade na Comunidade galega rexistraron un novo contaxio nun usuario da residencia DomusVi Bóveda, que xa ten oito afectados. O outro usuario contaxiado en Galicia é da residencia Ricardo Baró de Aspronaga, en Oleiros. En canto aos traballadores afectados, catro pertencen á DomusVi Bóveda, un á residencia de Aspanae
